JAKINN.IS

Á hverju ári í hart nær 30 ár hefur Umhverfisnefnd Ferðaklúbbsins 4x4 staðið fyrir stikun á akstursleiðum í óbyggðum. Stikuferð 2012, sem var farin helgina 31 ágúst - 2 september. Stikuð var Faxasundaleið frá Fjallabaki nyrðra að þjóðvegi F235 við SV enda Langasjávar, sem og Breiðbaksleið frá þjóðvegi F235 við SV enda vatnsins að Gnapsvaði á Tungnaá og slóðina frá Breiðbaksleið að NA enda Langasjávar. Við fórum í Hólaskjól á föstudegi, stikuðum laugardag og sunnudag. Klúbburinn sá okkur fyrir sameginlegri máltíð á laugardagskvöldið og einnig gistingu í Hólaskjóli. Vona ég fyrir hönd Umhverfisnefndar að flestir sem komu í þetta verkefni á þessum geysifagra stað séu sáttir og fyrir hönd nefndarinnar þakka ég kærlega fyrir veitta aðstoð. Ef skygni er gott þá sést norður á Strandir af Breiðbak en hann er í 1000 metra hæð ;-)