JAKINN.IS

Ávallt ískaldur!

 

• Fréttir
• Við börðumst í fjölda ára að sleppa undan oki Dana.

Við börðumst í fjölda ára að sleppa undan oki Dana.
23.Apríl 2009

Fyrsti forseti lýðveldisins Jón Sigurðsson hefði ekki verið stoltur ef hann heyrði allar raddir sem töluðu fyrir inngöngu í ESB. Við sem þjóð höfum svo oft hyllt og dáð þennan mann fyrir atorku sína og elju í garð Íslendinga að mér er svo stórlega spurn hvað sé eiginlega í gangi. Hvar er þjóðarstoltið, hvar er þjóðarremban?? Halló, halló ekki gleyma því að við erum ÍSLENDINGAR með stórum staf. Ég er svo innilega sannfærður um það að við megum fyrir alla muni ekki tapa SJÁLFSTÆÐINU, sem ég er viss um að gerist ef við göngum í ESB. Ekki nóg með það heldur yrði yfirgangurinn hjá Bandalaginu það mikill og við svo lítil þjóð innan bandalagsins að RÖDD OKKAR MYNDI EKKI HEYRAST, og að þeir myndu í engu taka tillit til okkar óska né þarfa. Það eru svo mörg dæmi þess þar sem lönd og ríki fara halloka í viðskiptum við Bandalagið, að maður getur ekki minnst á það ógrátandi. Hérna á eftir koma fullt af tilvitnunum sem benda á og sanna að innganga í ESB myndi drepa okkur sem þjóð. Við megum alls ekki gleyma því að við eru stoltir Íslendingar sem ætlum að vinna okkur út úr vandanum ekki láta eitthvað bákn í Brussel gleypa okkur og kúga svo vandinn verði bæði miklu meiri og áhrifin munu vara að eilífu.

“Tveir breskir sjómenn, feðgar, hafa verið dæmdir til tveggja og þriggja mánaða fangelsisvistar fyrir að landa umframafla fremur en að kasta honum í sjóinn eins og reglur hinnar sameiginlegu fiskveiðistefnu Evrópusambandsins kveða á um„

"Írska bólan sem oft var vitnað til hér af áróðursmönnum fyrir inngöngu Íslands í Evrópusambandið er sprungin með hörmulegum afleiðingum„

“Í viðtalinu við Boga Ágústsson, fréttamann, sagði hann að það hefði verið stórslys ef Íslendingar hefðu haft evruna við hrunið því þá hefði ekki verið möguleiki á að gengið lækkaði„

“Evran væri hindrun í vegi þess að koma mætti böndum á hana og koma hlutunum í réttan farveg á ný. Miðstýrð peningamálastefna Seðlabanka Evrópusambandsins tæki ekki mið af hagsmunum einstakra evruríkja heldur væri aðeins ein stefna fyrir allt evrusvæðið„

“Við værum líklega í litlu betri stöðu ef við hefðum evruna. Það er til dæmis gífurlegur vandi í Evrópu. Lönd eins og Grikkland, Spánn og Írland, og reyndar Eystrasaltslöndin líka, sem eru með sína gjaldmiðla tengda evru, hafa glatað miklu af sinni samkeppnishæfni og eiga litla möguleika á að bæta stöðu sína„

“Ragnar Árnason, hagfræðiprófessor við Háskóla Íslands, segir í viðtali við The Scotsman fyrrir stuttu að með aðild að Evrópusambandinu "myndi eignarhald í sjávarútvegi smám saman færast í hendur útlendinga."

“Áhugaverðar greinar, ræður og efni tengt ESB„

Takið eftir því í greininni hér fyrir neðan hvað Búlgarski Evrópuþingmaðurinn Bilyana Ilieva Raeva segir orðrétt!! “að minnsta kosti yfir eitthvað tímabil„

“Sjávarútvegsmál kynnu að verða helsti ásteytingarsteinninn en ekki sé útilokað að gera sáttmála um að Ísland fái undanþágu að hluta eða að fullu frá sameiginlegri sjávarútvegsstefnu Evrópusambandsins, að minnsta kosti yfir eitthvað tímabil„

“Fjárhagsstaða írska ríkisins er afar slæm og hafa sérfræðingar sagt opinberlega, að hætta sé á að Írland geti ekki greitt afborganir af erlendum lánum„

“Hannah er greinilega lítið hrifinn af Evrópusambandinu og segir í greininni í dag, að Brussel sé mikið í mun, að Íslendingar fái ekki mikinn tíma til að hugsa sig um áður en þeir sækja um aðild að ESB því eftir því sem lengri tími líði frá áfallinu, sem Ísland varð fyrir, þeim mun líklegri séu Íslendingar til að segja nei„

"Viðvörunarljósin gegn aðild Íslands að Evrópusambandinu loga skært. Ímyndið ykkur stöðu ykkar innan ESB ef sambandið ákvæði einn daginn að nýta fiskistofnana ykkar í þágu aðildarríkjanna allra.Framkvæmdastjórn Evrópusambandsins sendi fyrir helgina út rökstudda álitsgerð þar sem Írum er skipað að breyta löggjöf sinni þannig að hægt sé að nýta olíuauðlindir þeirra í þágu aðildarríkjanna ef nauðsyn krefur til„

“Í gær talaði Olli Rehn af sér. Þá sagði þessi finnski stækkunarkommissar ESB að aðild Íslands yrði hvalreki fyrir Evrópuríkið og vill bjóða okkur upp á flýtimeðferð. Í orðabók Menningarsjóðs er orðið hvalreki útskýrt þannig: hvalreki: 1 það að hval rekur á fjöru. 2 óvænt stórhapp: það er hvalreki fyrir málstaðinn„

“Skoskir sjómenn og forvígisimenn samtaka þeirra bíða þess nú í ofvæni að Ísland gerist aðili að Evrópusambandinu. Þannig vonast þeir til að Íslandsmið opnist hugsanlega fyrir þeim að nýju„

“Allt að einni milljón tonna af fiski er hent í Norðursjónum árlega vegna ESB reglna„

“Olli Rehn, stækkunarmálastjóri Evrópusambandsins, ítrekaði í viðtali við Fréttablaðið 8. nóvember sl. að engin fordæmi væru fyrir varanlegum undanþágum frá sameiginlegri sjávarútvegsstefnu sambandsins„

“Ég hef rætt svoldið við tvo aðila sem búa í ESB löndum og bera þeir bákninu ekki fagra söguna.

Annar þeirra er sjómaður frá Skotlandi og segir hann að Íslendingar gætu ekki gert stærri mistök en að ganga í ESB. Hann býr í litlum bæ og varð annar hver sjómaður þar atvinnulaus eftir inngöngu í ESB.

Hinn aðilinn er frá Austurríki, en það fer ekki mikið fyrir sjávarútvegi þar, en hann sagði að áhrif ESB hafi verið þver öfug á við væntingar fólks. Verð á matvörum hækkaði og laun stóðu í stað, við sáum bara hvað gerðist á Spáni við ESB, það varð allt dýrara„

“Paul Krugman, nóbelsverðlaunahafi í hagfræði, telur að evran geri ástand efnahagsmála í nokkrum löndum Evrusvæðisins verri en ella. Sveigjanleiki ríkjanna sé lítill og því eigi ríkisstjórnir landanna ekki aðra möguleika en að skerða laun almennings„

“Brottkast vottað sem sjálfbærar veiðar innan ESB„

“Spurningin um Ísland og Evrópusambandið er mjög einföld. Hún snýst um það, hvort við viljum afhenda Evrópusambandinu yfirráð yfir auðlindum okkar. Hún snýst um það hvort hinar formlegu og endanlegu ákvarðanir um nýtingu auðlindarinnar í hafinu í kringum Ísland verði teknar á Íslandi eða í Brussel. Hún snýst um það, hvort óðalsbóndinn í Brussel, svo vitnað sé óbeint til orða Bjarna Benediktssonar, á að lokum að taka ákvarðanir fyrir okkur í veigamestu málum„

“Formaður LÍÚ hefur í viðtalinu ekki nokkra trú á því að Íslendingum takist að hnika ESB til í afstöðu sambandsins til sjávarútvegs. „Ekki ómerkari stjórnmálamenn en Margaret Thatcher og Tony Blair reyndu að fá breytingar fyrir breskan sjávarútveg en tókst ekki. Því skyldi okkur takast það frekar?“ Adolf bendir einnig á að í ráð og nefndir innan ESB sé raðað út frá mannfjölda aðildarríkjanna. „Hver verða þá áhrif okkar að mikilvægum málum?“ spyr formaðurinn„

“Sjávarútvegurinn ber ennþá uppi rétt um helming útflutnings landsmanna og fari illa fyrir honum, þá fer einnig illa fyrir landinu í heild„

Endilega ef þið eru ósammála inngöngu í ESB kíkið þá hér!!

Svo eitt lítið atriði en ansi stórt fyrir marga, við vitum ekki hversu stór dekk yrðu leyfð undir breittum jeppum né hvort þau yrðu leifð yfirleitt.

Og elskurnar mínar munið að  Lifa lífinu lifandi!!  án ESB

[ Til baka ]